منتدى واحة السودان
مرحبا بكم فى منتدى واحة السودان
شيخ تلب Rsz_be10
واحة السودان للفكر الهادف البناء اساسها الاحترام

انضم إلى المنتدى ، فالأمر سريع وسهل

منتدى واحة السودان
مرحبا بكم فى منتدى واحة السودان
شيخ تلب Rsz_be10
واحة السودان للفكر الهادف البناء اساسها الاحترام
منتدى واحة السودان
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
جميع المقالات و الآراء و الردود المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لـ منتدى واحة السودان بل تمثل وجهة نظر كاتبها فقط .

اذهب الى الأسفل
احمدالصديق
احمدالصديق
عضو برونزى
عضو برونزى
عدد المساهمات : 285
الجنس : ذكر
نقاط : 577
السٌّمعَة : 5
تاريخ التسجيل : 10/08/2009
العمر : 44
الموقع : .......
المزاج : .......

شيخ تلب Empty شيخ تلب

الأربعاء 19 أغسطس 2009, 10:48 pm





حزينة وجوفك دمدم حزين
حزنت وقلب الحازنك خلى
تعدى الحلم الشفتيهو قديم
وتملا حسارك قلبك ملى
وكل ما هبهب قاصدك نسيم
يلهب جلدك كضباً طلى
فطمت جناك وحضنك رحيم
وحنـّك تب ما صابو البلى
سمعت غناك وصوتك رخيم
شديد اوتارك زايد حلى
عرفت الغم الصارلك نديم
وشفت الكون بى شوفاً جلى
لقيت الكاتلك كافر زنيم
وانت وحيدك قلبك ولى
***********
يا شيخ تلـّب انزل كبكب
وارمى الحترب فى الميضنة
فى الباردة تعب لى الحارة تسب
عجمان وعرب فى الميضنة
البس خضرب وادخل قصرب
والحس واشرب فى الميضنة
دى الدنيا تهب شقيش ما تصب
القبلى حرب ..
لى سيدك حب لا تخش ضرب
لى يوسف جب فى الميضنة
دقنا وشنب درويسنا يسوق
تايوتا تكب فى الميضنة
يا شيخ تلب وين الزغلب
الكان تلب
ديل صبحو غرب
ام اضحو جنب
فى الميضنة
انزل كبكب وارمى الحترب
فى الميضنة
********
كبس الحال على
والحال قبض يا سيد
غبناً فيا كج
اوتادو جنبى معيد
مو جنا تجيب
سلسل جنازرو تقيد
بلا غيبوبة البلد
النصيح ونصيد
***********
كنا تلاتة ...
ود النوق وديك وعتيد
قلنا نكمل الفرض
العلينا نشيـد
جينا عليكى يا المحبوبة
شوقنا يأيـد
بقينا ضهابة متل زولاً
ضرير وقليد
*****
-.. ود النوق دا بكور
العليهو يشفق
بقى يتباطى
فى خبة مشيهو يلفق
ان جاهو العلوق
صيحة نفاقو تنفق
اصبح جدوا كل
ما شافلو سلقة يصفق
- وديك الجن
رفيق همى وغنايا وفنى
سوا طريقو فى نخبة
وصبح متهنى
ما هماهو باسط مية
سكرة ينى
كل ما شافلو زفة
جديدة فوقة يغنى
-.. يا عتيد الرماد
نط الحيط بالزانة
تفضى الخانة
تلقى جنابو سيد الخانة
فارش دارو لى اسيادو
بيت كرخانة
غافل ضبحة الفجرى
وجرى السلخانة
يا حميد اقيف
شوف الخلوق محنانة
كفكف دمعتك
والعبرة فوت خنقانة
عسلك سال بحر
فوقو النحل ونانة
ياد ان طاق غرف
جازاك دباير دانة




الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى