ليل المغنيـــــــن

الإثنين 14 سبتمبر 2009, 1:33 pm

إنتَ يا ليل المغُنين

فى صباحات اليتامى

فى البشيل فوق كتفو يمْشِى

لمَّا ترْخِى الخيل لِجامهْا

يا حمامَهْ

ودِّعينى

ودِّعى الارض البتزْرَع

فى جروف الحُب ضلامهْا

ارْخِى كتفِك

واحْضِنينى

وارْمِى فوق كتفى الملامه

صدِّقينى

صدَّقى البرْق البيبْرق

من ظنوننى

يدْخُل المُدُن الغريبَهْ

يغشى أيامهْا ودروبهْا

إنتِ ما الوهم البيغْسِل

كل أوهامى وشحوبهْا

تسْمَعَ الأرض ابتسامِك

تحْفَحظ الأنجم كلامِك

وانت روح النيل وِ سامِك

يا حمامَهْ

يا غمامَهْ

مين حيدِّيك السلامَهْ؟