منتدى واحة السودان

السلام عليكم ورحمة الله .. تفيد هذه الرسالة بانك غير مسجل لدينا ..نتشرف جدا بانضمامك الى الموقع بالضغط على زر التسجيل او التعريف بنفسك ان كنت من اعضاء المنتدى بالضغط على زر دخول .. او الضغط على زر اخفاء ان كنت تود تصفح الموقع فقط ... مرحبا بك معنا .

شاطر
اذهب الى الأسفل
avatar
وليدادريس
عضو نشيط
عضو نشيط
عدد المساهمات : 64
الجنس : ذكر
نقاط : 118
السٌّمعَة : 3
تاريخ التسجيل : 10/08/2009
العمر : 33
الموقع : الوطن الواسع
المزاج : هادئ لحظه الكتابه

مسافه شوق ..مرثيه مصطفى..مدني النخلي

في السبت 19 سبتمبر 2009, 11:30 pm
مسافة الشوق
رسالة لمصطفى سيدأحمد التوقيع .. مدني النخلي

(1)
حُسن النية ما كفاك
حُسن النية لو كفاك
ما هزيت ضفيرة الروح
على الوطن الصبح منفاك
ولا اتراخيت.. صعب
تتنحى عن مبداك
ولا اتواريت خجل..
بكيت عيون الوردة في مغناك
فيا وجع الدماير قوم
شقي ومهموم..
شوف النيل رماك منديل
على شوق ضفتو الفاقداك
محيَّر فيك وحتى الآن
نفضت من الأسف روحي
مشيت لو قلبي يتناسى
وبندهك أواخر الليل
زمان الشوق يهد الحيل
تطل من نجمة وناسه
ترش الضي على ناسا
تباري النيل.. عشق وهديل
حروفنا تدغدغ إحساسا
تجي وملهوف..
تعاين وبالبصيرة تشوف
وجيه العالم المخطوف
تصد مأسوف على القلب
النفر بالناس..
(2)
مسافة الشوق وراك
لا هينه لا بتنقاس..
فلا زهر الغناء الواثق
دفق بعدك شذى الأنفاس
ولا قادر رحيح الزيف
يغطي مساحة الإحساس
ولا زال مقعدك في الروح
نداء الذكرى العبيرا يفوح
مردم شال.. سحابك فال
مرقت من العَصَب والشوف
مكان ما طاف غناك اطياف
تهدم في قلاع الخوف
تسو عوسك..
كلاماً ني مردو النار
وفي الزمن الكتر قبحو طغو الاشرار..
كروش وتجار..
مغول وتتار..
وناديناك وقدمناك
وسليناك..
سنا السيف المرق بتار
هديناك للبلد مسدار
وعمدناك وليدا البار
وودرناك..
ودرناك وفاقدك ليل
اغاني حميمة للضايعين
(3)
وهملناك رمتنا الخيل
سبونا الجونا قرمانين
وراك بكت الغمامة السيل
وجفت نضرة الياسمين
وراك خربانة يا ابو السيد
وكترو الإدعو التفنين
كُتار الموجة ركبوها
من السخف الحصل عايمين
ومحزونين.. ومجروحين
ومكلومين..
بلد بي حالا مكلومة
تحنس في ظروفا أبت
لئيمة وماده قدومه
ولا زال الحلم محظور ولسه
الضحكة مكتومة
على مد البصر حلاّل تعاني الحال ومأزومه
على مد البصر اطفال شقية حزينة محرومة
على مد الكلام مفجوع حديثك عن بنات الحور
وحلمك بي مداين النور.. وشوقك لي سواقي تدور
ومديت العشم اشواق تخدر في الاراضي البور
وسويت الاغاني زهور وفت لقينا جفْ النيل
طفت الريح سناء القنديل محل ما تميل اسانا يميل
فرحنا إستمرأ التأجيل
مطرنا الكان سحابو هميل.. نسانا وغاب هجرنا عديل
كِبِر جرح الفجيعة نزيف وفقدنا وراكا ست الجيل


avatar
أميرة عرابي
عضو نشيط
عضو نشيط
عدد المساهمات : 50
نقاط : 71
السٌّمعَة : 0
تاريخ التسجيل : 17/09/2009
المزاج : في وجودكم سعادتي

رد: مسافه شوق ..مرثيه مصطفى..مدني النخلي

في الأحد 20 سبتمبر 2009, 12:22 am
الله عليك يا سيد وليد

وأنت....مبدع.....في....مدنا..بكل....جميل

و...يا...ود...سلفاب...إفتقدناك.....
و يومياً...و قبل..المنام...أمتع...نفسي....بـألحانك..والتي....هي...ملاذي....في...كل.
و..علي بابك
والحزن النبيل
والشجن الأليم
ومدن...عينيك
إدفقي..وما...تبقي...رقراق

و..والله نحنا مع الطيور


و
والله بيناتنا المسافة...والعيون...واللهفة...والشوق


شكراً...لوليد

وبالجد...فاقدنك...يا....ود...سلفاب


أميرة عرابي
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى