منتدى واحة السودان
مرحبا بكم فى منتدى واحة السودان
الدلاليه ومهنه اضافيه اخري Rsz_be10
واحة السودان للفكر الهادف البناء اساسها الاحترام

انضم إلى المنتدى ، فالأمر سريع وسهل

منتدى واحة السودان
مرحبا بكم فى منتدى واحة السودان
الدلاليه ومهنه اضافيه اخري Rsz_be10
واحة السودان للفكر الهادف البناء اساسها الاحترام
منتدى واحة السودان
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
جميع المقالات و الآراء و الردود المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لـ منتدى واحة السودان بل تمثل وجهة نظر كاتبها فقط .

الدلاليه ومهنه اضافيه اخري

+7
ابوهاشم
ندى الأيـام
نور الفلا
الدقيقة 30
احمدالصديق
طائر الكنار
وليدادريس
11 مشترك
اذهب الى الأسفل
وليدادريس
وليدادريس
عضو نشيط
عضو نشيط
عدد المساهمات : 64
الجنس : ذكر
نقاط : 118
السٌّمعَة : 3
تاريخ التسجيل : 10/08/2009
العمر : 39
الموقع : الوطن الواسع
المزاج : هادئ لحظه الكتابه

الدلاليه ومهنه اضافيه اخري Empty الدلاليه ومهنه اضافيه اخري

الجمعة 11 سبتمبر 2009, 8:11 pm
شكلها جميل وأنيقه جدا...تحمل في يدها كتاب طب الاطفال وفي يدها الاخرى كتيب لونه زاهي وريحتو جميله...ولاتنتظر حب الاستطلاع لديك لتعرف ماهيه هذا الكتاب..فهي دوما السباقه ..وتجلس بجوارك وتفوح رائحه عطرها الجميل...وتجد على الكتيب عباره (اورفليم 40عاما من التميز) بدايه كده كنت قايل الكتاب عن القدس اصلي لخبطه بين اورشليم واورفليم...تجلس زميلتي بجانبي وتبدأ تتصفح معي ...اها يادكتور دا مزيل رجالي بي 87 جنيه ..ودا عطر باريسي فخم بي 230جنيه ...وتواصل التصفح ..والدهشه تلجم لساني دهشه من الاسعار المحيره ودهشه من الشغلانيه الجديده لزميلتنا دي.البقت دلاليه لأورفليم..كان هذا مدخل اول....
مدخل ثاني...
تبدو الظروف المعيشيه للمواطن السوداني تأخذ شكلا اخر في مجتمعا السوداني وتغير في التركيبه الاجتماعيه الا حد ما...فقديما كان حياء الموظف وخصوصا المهن الكبيره يحد صاحبها من العمل التجاري ناهيك عن مهنه الدلاليه ..هذه الكلمه اظنها هي المتعارف عليها ..واسم الدلع ليها مندوب مبيعات ..لا اتهكم في هذه المهنه فقط استغرب في ولوج كافه الشعب السوداني بجميع مهنه فيها واصبحت عامل اضافي في الاقتصاد الاسري والوضع المعيشي..فتجد جارتنا ميمونه تحمل معها ذاك السبت الاحمر وشايله انواع من التياب ..
...والله دي اخر تشكيله من الناله...
...ايوه سهام شالت مني الاسكيرتات بس مادفعت القسط التاني..
ولاتقتصر على النساء فنجد الرجال ايضا..فهذا تجده يحمل بعض المنتجات ..وتجد الموظف في مؤؤسسته يوم الماهيه شايل كميه كراتين ويوزع في منتجات بالاقساط..جميع المؤسسات ..المستشفيات والمدارس والوزارات وغيرها...
..وليتها وقفت عند هذا الحد...دخلت حتى في حياه البشر والمرضى وعادي تكون شغال في الحوادث ويجيك شاب انيق ووسيم ويحمل شنطه كبيره واخر هندام...
..السلام عليكم انادكتور سامي.شركه ايمفارما او مرواكو للأدويه...وترحب به من باب المهنيه والزماله ..
..ويفتح شنطته ..اها يادكتور عندنا وعندنا وعندنا..ودا ميوكلان منتج جديد مننا للقحه او دا هناي للازمه وطلعناهو جديد ونفع مع كل المرضى ..وهسه وفرناه في صيدليه كد وكده...ويعطيك مجموعه الادويه منه هديه يعني وكده .عينه مجانيه..
والمطلوب ..وصفه طبيه لكل مرضاك بهذا العلاج الجديد والفعال على حد قول د.سامر..نعم تكتبه ان كان سامر صادقا ام لا..قد لاتكون تعرف حتى سعر هذا الدواء في الصيدليه..وبعد دا انت ومهنيتك...!!!
واشياء كثيره تروج بهذه الطريقه ومن كبرى الشركات الغزائيه والملابس وغيرها..
هذه نمازج صغيره احبتي لنسلط النقاش على هذه الظاهره الجديده..(.الدلاليه )..او ايا كان مسماها عندكم للحالات التي وصفتها..ترى ما السبب في ذلك هل هو الوضع المعيشي ..؟؟ ام ان الشركات وجدت منفذا مريحا لترويج بضاعتها وبدون ضرائب عليها وعلى المواطن الذي يروج منتجها.؟؟....ام هناك اسباب اخرى...؟؟

..انافي انتظاركم احبتى بالواحه ولنعرض امثله ان وجدت لديكم......ودمتم ..
طائر الكنار
طائر الكنار
عضو نشيط
عضو نشيط
عدد المساهمات : 92
الجنس : ذكر
نقاط : 163
السٌّمعَة : 3
تاريخ التسجيل : 11/09/2009
العمر : 41
الموقع : السودان
المزاج : رايق لو ختونا العوارض

الدلاليه ومهنه اضافيه اخري Empty رد: الدلاليه ومهنه اضافيه اخري

الجمعة 11 سبتمبر 2009, 11:19 pm
والله يا دكتور اكتر الاشياء البتخلي مثل هذه الاعمال بالانتشار هي الظروف الاقتصادية
لانها بتخلق ليك مناخ مناسب للشركات الدايره تربح بطرق عده بدل تخصر مرتبات وحوافز
للعمال العندها تقوم بتستعين بالطلاب والعطالة والمرتباتم بسيطه وديل كلهم ما بهمهم غير اللقمه
البسيطه عشان يقدرو يسيرو بيها حياتم

احمدالصديق
احمدالصديق
عضو برونزى
عضو برونزى
عدد المساهمات : 285
الجنس : ذكر
نقاط : 577
السٌّمعَة : 5
تاريخ التسجيل : 10/08/2009
العمر : 44
الموقع : .......
المزاج : .......

الدلاليه ومهنه اضافيه اخري Empty رد: الدلاليه ومهنه اضافيه اخري

السبت 12 سبتمبر 2009, 12:37 am
وليد سلام ليك ولكل الغلابه من شعبي الحر ابلحما مر
عندي مثال : جاني واحد يوم في الميز وهو زميل شايل
حاجه كدا زي قعر الكبايه وللا اكبر شويه قال لي دا منتج
من شركة ايه كدا ما عارف الصينيه اسمو الفلتر الفلتر دا ياسيدي
تدخلو في جردل المويه يقوم ينقي ليك من الجراثيم
سالتو عن الاليه البعمل بيها قال لي كلام ذي كلام ناس الفلك
المهم انا قلت ليهو يامحمد وري ناس الشركه يغيرو اسمو من
الفلتر للحاوي عشان يكون الاسم ذي الوظيفه بتاعتو
اخي وليد انها الفوضى وحسب والعتب ما علينا العتب علي
الحكام
والسلام
وليدادريس
وليدادريس
عضو نشيط
عضو نشيط
عدد المساهمات : 64
الجنس : ذكر
نقاط : 118
السٌّمعَة : 3
تاريخ التسجيل : 10/08/2009
العمر : 39
الموقع : الوطن الواسع
المزاج : هادئ لحظه الكتابه

الدلاليه ومهنه اضافيه اخري Empty رد: الدلاليه ومهنه اضافيه اخري

السبت 12 سبتمبر 2009, 1:02 am
طائر الكنار يامدهش والله سعيدين بيك في الواحه..وصراحه اتحيرنا بالدلاليين ديل والحاجه المحيراني اكتر تاجر الشنطه او تاجره الشنطه ..تلقى السوداني راكب في الطائره وشايل 50موبايل والمره مبشتنه ولابسه اتنين كيلو دهب والله بس امرنا لله
وليدادريس
وليدادريس
عضو نشيط
عضو نشيط
عدد المساهمات : 64
الجنس : ذكر
نقاط : 118
السٌّمعَة : 3
تاريخ التسجيل : 10/08/2009
العمر : 39
الموقع : الوطن الواسع
المزاج : هادئ لحظه الكتابه

الدلاليه ومهنه اضافيه اخري Empty رد: الدلاليه ومهنه اضافيه اخري

السبت 12 سبتمبر 2009, 1:10 am
ودصديق ياجميل قلت لي فلتر بالله ..زكرني الوهمه بتاعت قويست نت والله اسمها شنو بتاعه يدوك ميدلايه بي مليون ونص ويقولوا ليك حتبقى ملايين بس انت تشتغل ..والشغل شنو؟؟ انك تغش ناس غيرك يعني تفك الماسوره الركبتها بي نسأله الستره .....تسلم يادكتور
الدقيقة 30
الدقيقة 30
طاقم الادارة
طاقم الادارة
عدد المساهمات : 547
الجنس : ذكر
نقاط : 722
السٌّمعَة : 28
تاريخ التسجيل : 09/09/2009
المزاج : لا استطيع هندسة مزاجى

الدلاليه ومهنه اضافيه اخري Empty رد: الدلاليه ومهنه اضافيه اخري

الإثنين 14 سبتمبر 2009, 7:36 am
وليدادريس كتب:
شكلها جميل وأنيقه جدا...تحمل في يدها كتاب طب الاطفال وفي يدها الاخرى كتيب لونه زاهي وريحتو جميله...ولاتنتظر حب الاستطلاع لديك لتعرف ماهيه هذا الكتاب..فهي دوما السباقه ..وتجلس بجوارك وتفوح رائحه عطرها الجميل...وتجد على الكتيب عباره (اورفليم 40عاما من التميز) بدايه كده كنت قايل الكتاب عن القدس اصلي لخبطه بين اورشليم واورفليم...تجلس زميلتي بجانبي وتبدأ تتصفح معي ...اها يادكتور دا مزيل رجالي بي 87 جنيه ..ودا عطر باريسي فخم بي 230جنيه ...وتواصل التصفح ..والدهشه تلجم لساني دهشه من الاسعار المحيره ودهشه من الشغلانيه الجديده لزميلتنا دي.البقت دلاليه لأورفليم..كان هذا مدخل اول....

..انافي انتظاركم احبتى بالواحه ولنعرض امثله ان وجدت لديكم......ودمتم ..
وليد يقال ان القلق هو ملهم اغلب الابداعات
واراك اخى قلق
ولان مضون البوست كبير ومقسم دعنى لا اظلم البوست برد واحد بل ردود موزعة على المداخل التى فتحتها وتركتنا داخل متاهت افكارك المولودة من عبقرية ملاحظاتك لحركة الحياة
مدخل اول...
الطالبة واورفليم
انه زمن الايقاع السريع اخى العزيز جعل هذه الفتاه المستوعبة لحقيقة ما عاد السوق القديم وطريقة عرض البضاعة القديمة تجدى انه زمن الدوت كوم
زمن العالم قرية صغيرة
كل شى ياتيك فى مكانك
انه زمن مناديب التوزيع
زمن اليد الواحده لا تصفق
زمن لا وقت ضائع فيه
زمن الطامحين
وانه قانون النظام الاقتصادى الضخم الذى يقول ان الفقير فقط هو الذى لا يرغب بالغنى
نعم وليد استوعبت صديقتك الفكرة فتحركت تصنع لنفسها طريق
وانه العالم الجديد
لك التحية ولها وللدوت كوم الذى جعل عطرا مثل جادور وسينما...و اسكودا ..تفوح فى قرية ما كانت تحلم بوصول صحيفة محلية
ولاحقا نواصل
نور الفلا
نور الفلا
عضو مشارك
عضو مشارك
عدد المساهمات : 37
الجنس : انثى
نقاط : 45
السٌّمعَة : 0
تاريخ التسجيل : 16/09/2009
المزاج : تمام

الدلاليه ومهنه اضافيه اخري Empty رد: الدلاليه ومهنه اضافيه اخري

الأربعاء 16 سبتمبر 2009, 5:47 am
بساطة المهنة دي وعدم وجود متطلبات كتيرة
للالتحاق بها يعني في الأغلب ما بطلبو سنوات
خبرة وأحيانا ما مهم الشهادة الجامعية بس المهم
أنك تكون لبق وتسوق المنتج يعني دا البخلي
اغلب الناس يلتحق بهذه المهنة لزيادة الدخل


تحياتي
الدقيقة 30
الدقيقة 30
طاقم الادارة
طاقم الادارة
عدد المساهمات : 547
الجنس : ذكر
نقاط : 722
السٌّمعَة : 28
تاريخ التسجيل : 09/09/2009
المزاج : لا استطيع هندسة مزاجى

الدلاليه ومهنه اضافيه اخري Empty رد: الدلاليه ومهنه اضافيه اخري

الأربعاء 16 سبتمبر 2009, 7:21 am
نعود الى مهنة الدلالية
ان مهنة الدلالية قديمة فى السودان فقد كان نشاط اجتماعيا ربحيا ولد مع ميلاد النساء المتخصصات فى تجهيز العروس لليلة الاجمل
وتطورت حتى صارت لها طرق جديدة متطور حيث سطع نجم مندوب المبيعات اخيرا ذلك الذى يسوق منتجات شركته او محموعته الاقتصادية بشتى الفنون
بل وبعد التوسع فى مؤسسات التعليم العالى واصبح الخريج لا يجد وظيفة يحقق بها احلامه تتلقفه شركات تعمل فى توزيع البضائع وتمنحه عربة وتترك له حرية التنقل فى توزيع بضاعتها على اساس توزيع نسبه الارباح فيما بينهم
وعلى كل ان امتهان مهنة شريفة ليس لدينا اى اعتراض عليها
ولكن
عندما كانت الدلاليه بطريقتها التقليدية كانت البضائع معروفة المصدر وغالبا من دكان القبطى او اليمانى او الهندى او من شندى
لذلك ليس هنالك ملاحظات على المعروض لانها تدخل البلاد عبر بوابات معروفة تحاسب على الجودة .
وبعد ان توسعت التجارة العالمية توسعت ايضا الشركات المقلدة التى لا تحاكمها ضمير غير الربح السريع ولو ادى ذلك لتدمير اقتصاد دولة لاتحتمل اقتصاديات جنوح مادة الصابون .
وتكونت اثر ذلك كتل اقتصادية ضخمة تحارب من اجل ابقاء دولها خارج اطار السوق المزيف
وحينما حوصرت الشركات ذات الانتاج الرخيص سعت هى الاخرى فى فتح اسواق جديدة لاتعى ولا تستوعب النظريات الاقتصادية دول تتاجر فى مواطنيها .
وهنا يكمن خطورة مايتجدث عنه الاخ وليد
السودان مثال
دولة مثل السودان تجلس على ارض يجاورها بحدود مفتوحة مايقارب التسعة دول وعاشرتها دولة الصين البعيدة جغرافيا القريبة اقتصاديا والمعروفة بانها تصنع حسب الطلب وبقدر المبلغ المدفوع
هنا يكمن خطورة مندوب المبيعات الذى تطور على اساس الدلالية
.....وللحديث بقية....
ندى الأيـام
ندى الأيـام
عضو فعال
عضو فعال
عدد المساهمات : 102
الجنس : انثى
نقاط : 115
السٌّمعَة : 1
تاريخ التسجيل : 15/09/2009
المزاج : هادئـة

الدلاليه ومهنه اضافيه اخري Empty رد: الدلاليه ومهنه اضافيه اخري

الخميس 17 سبتمبر 2009, 2:44 am
بدايــــــــــــة تسلم ياوليد على الموضوع ... غاية في الاهمية واصبح ينتشر بشكل خيالي في مجتمعاتنا السودانية ... السبب للجوء العديد الى هذه الوظيفة بالطبع الحالة الاقتصادية ... في البداية بالنسبة للطلبة الجامعيين والعاطلين احيانا كتيرة بتعاطف مع الجزء منهم بسبب ظروف المعيشة .... وخاصة انه الوظفة غاية في الارهاق والتعب وتستهلك طااقتهم ... لما تتطلبه من تنقل لعرض المنتجات ... واذا شاهدنا الصحف اليومية نجد ان الطلب على مندوبي المبيعات يزداد ... ويلجأ العديد من الطلبة والعاطلين لان الوظيفة لا تتطلب مؤهلات تذكر ... فلا سبيل للرزق امامهم غيرها ... وبالنسبة للشركات فهذه افضل طريقة للترويج لبضائعهم امام شيء قليل لا يذكر للمندوب والوصول الى الربح بشكل سريع .. بس كل البتمناه في المهنة دى مراعاة الشكل الحضاري لهذه المهنة .. لانو في خطوط ما لازم تتعدى نهائيا ..
ابوهاشم
ابوهاشم
عضو مشارك
عضو مشارك
عدد المساهمات : 23
نقاط : 33
السٌّمعَة : 0
تاريخ التسجيل : 07/09/2009

الدلاليه ومهنه اضافيه اخري Empty رد: الدلاليه ومهنه اضافيه اخري

الخميس 17 سبتمبر 2009, 5:45 am
وليد سلامات
وكل سنة وانت طيب
الدلالية
والمشاطة
واخريات هن صحف يومية متحركة تاتيك بما شق علي الهدهد وكل وسائل الاتصال
وهي ليست تاجرة متجولة وحسب وانما ظاهرة اجتماعية اخري من ظواهر هذا البلد الامين التي تحتاج الي نقاشات مطولة لابراز كثير مما هو خارج اطار ( القفة ) او الشنطة.
اذن دعونا نقف عندها طويلا لكن ما اسي لااني تعبان وجيعان
لكن بجيك راجع
أنشـ مطر ــودة
أنشـ مطر ــودة
عضو نشيط
عضو نشيط
عدد المساهمات : 81
الجنس : انثى
نقاط : 104
السٌّمعَة : 2
تاريخ التسجيل : 13/09/2009
العمر : 36
الموقع : متجولة
المزاج : معتدل نهاراً ..ساكن ليلاً

الدلاليه ومهنه اضافيه اخري Empty رد: الدلاليه ومهنه اضافيه اخري

الخميس 17 سبتمبر 2009, 10:03 am

د.وليد دعني أولاً اهنيك على كتاباتك المتميزة
وثانياً دعني أعبر عن مفاجأتي بالموقف الذي مر بك

وأصدقك القول ..انه هذا جاء تباعاً لمقولة " السودان بلد فوضى "
ولكن من يلام ..وهذا الوضع الماساوي الذي عيشه المواطن السوداني
فهو لا يجد ما يكفيه للأكل والشرب فقط!!!

انها الحاجة يا وليد ..الحاجة!
ام الزهرات
ام الزهرات
عضو جديد
عضو جديد
عدد المساهمات : 2
نقاط : 2
السٌّمعَة : 0
تاريخ التسجيل : 15/09/2009
المزاج : يبحث عن ما يعدله دائما

الدلاليه ومهنه اضافيه اخري Empty رد: الدلاليه ومهنه اضافيه اخري

الجمعة 18 سبتمبر 2009, 9:13 pm
طبعا يا د.وليد السبب الاساسي هو الوضع الاقتصاادي وحاجه كل فرد لزيااده دخله وبما انه دي مهنه ما بتتعارض مع عمل الفرد الاساسي بالعكس يمكن تواجده في مكان عمل ثابت بساعده علي وجود زبائن ثابتين
اما انا اتخيلي السبب التاني انه بي كثره المنتجات والاصبحت متجدده كل يوم وانشغال الفرد باشياء كثيره في حياته اليوميه ده دفع كتير من الشركات الي محاوله توصيل السلعه الجديده للمستهلك في محله وكمان الحوجه لتعريف المستهللك كمان بالمنتج زي ما بحاول الدكتور الصيدلي زميل المهنه زي ما بتقول يعني انت بي شغللك الكتيير ده اكيد ما بتلقي وقت كبير علي انك تتعرف علي الجديد في مجال الادويه فدي بتكون مهمه مندوب المبيعات تعريفك عليها وطبعا ده يا دكتور علم كامل بدرس في
علم التسويقف
وايضا لانه اصبحت الشركات لا تعد والمنافسه كبيره اصبح في سباق بين الشركات لاستقلال زوي الدخل المحدود في محاوله توصيل سلعتها قبل الاخرين .. يعني يا دكتور نحنا زمان رجال علي نسوان كان لما تقول كريم ما بخطر علي باللك غير كريم نيفيا يحمي ويعطر لكن اسي انا والله لما امشي اشتري لي كريم رااسي بلف عديل من كترتها

يعني الحكايه كلها زخم منتجات وشركات ودوامه الدخل البسيط هي كلها الادت لي ظهور مثل هذه الظواهر
الدقيقة 30
الدقيقة 30
طاقم الادارة
طاقم الادارة
عدد المساهمات : 547
الجنس : ذكر
نقاط : 722
السٌّمعَة : 28
تاريخ التسجيل : 09/09/2009
المزاج : لا استطيع هندسة مزاجى

الدلاليه ومهنه اضافيه اخري Empty رد: الدلاليه ومهنه اضافيه اخري

الجمعة 25 ديسمبر 2009, 1:31 am
نرفع البوست ...

من جديد
جينا
جينا
عضو فعال
عضو فعال
عدد المساهمات : 104
الجنس : انثى
نقاط : 135
السٌّمعَة : 5
تاريخ التسجيل : 15/09/2009
العمر : 42
الموقع : تحسسوني بينكم
المزاج : عال العال

الدلاليه ومهنه اضافيه اخري Empty رد: الدلاليه ومهنه اضافيه اخري

السبت 26 ديسمبر 2009, 1:12 am
دكتور وليد
وكل الموقعين على البوست
وحالة أخرى
الكماسرة
أو ,الكمساري...ذلك الكائن الجميل
والذي هو محل إحترام عندي
ذاك الكائن الجميل
لي معه قصة
و هو أني أهوى معاكستهم
معاكسة شريفة والله
و من اجل ذاك الكائن الجميل ...أحببت ركوب تلك الدابة التي يتهافت الناس عليها
وخاصة...أوقات الذروة
نعود لقصتي و الكمساري
كنت دائماً أستقطع ذلك ال50 ج او ال10
و كنت
فقط لأكتشف قوة تحمل هؤلاء لأمثالي
ولله....هم كُثر
ومعظمهم...و الشهادة لله
شباب كُمَل
تارةً أستقطع ..تارةٌ أرمي ببقشيش عندم يكون طفلاً
و الله هي هواية عندي
فقط هواية
وهنا لابد من سرد قصة حدثت لي مع أحدهم قبل ثلاث سنوات
حادثة جعلتي أحترم ذلك الكائن الجميل
ومنذ ذاك الزمان
وعلاقة جميلة وُلِدت ...بيننا
والحكاية
أن
واحد تعارك مع فتىً أسمر جميل
لأن الكمساري فوته محطته
فبادره الراكب
راسكم لامن هو مليان كلام فاضي ما بخليكم حتى تركزوا
احسن تقعدوا تكملو صياعكم
والشهادة لله
كان ذلك الكائن في قمة الأدب
و لكن تم إستفزازه..وكم ندري مل يعني الإستفزاز لشريف
هنا ...أدخل الفتى الأسمر الجميل...يده اليسرى في جيب بنطاله
ولوح بورقة
وكانت
بطاقة
محتوياتها
طالب طب..جامعة الخرطوم...الفرقة الرابعة
ولله
ذُهلت
وطقطقت
دلالة على...إنتهاء رحلة
ولكنها...لم تنته...لأنها..بدأت منذ ذاك الزمان
وللآن
والآن
حيوا معي ذلك الكائن الجميل
الكمساري
ج.ي.ن.ا
SudanWaha
SudanWaha
.
.
عدد المساهمات : 521
الجنس : ذكر
نقاط : 1585
السٌّمعَة : 22
تاريخ التسجيل : 07/08/2009
العمر : 44
الموقع :
المزاج : الحمد لله
https://sudanwaha.ahlamontada.com

الدلاليه ومهنه اضافيه اخري Empty رد: الدلاليه ومهنه اضافيه اخري

الجمعة 04 نوفمبر 2011, 9:01 pm
الدلاليه ومهنه اضافيه اخري Sudanw10
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى