يامستطاب

السبت 19 سبتمبر 2009, 5:51 am

عاشقك متل عطشان ..
مهاتيه رويحتو لي جرعة رهاب ..
ما بتلحق ..قال يصحا من سكرة هواك
قال يبتعد من سور ضياك
يلفا الشباب ما يحترق
بقدر يتوب ..؟ بقدر يتوب ..
لمن تتوب اليابسه من ريد السحاب ..
لما الشمس بعد الغياب .. ترجع شرق ..
كيف المتاب .. ؟
كيف المتاب والطيف صبح نور العيون ..
كيفن يحول بين العيون والنور حجاب ..
و انا عن أنا الفيك .. أفترق ..

يا مستطاب ..
أشواقي ريح شالتني ليك من الجذور ..
شتلتني في ساحل ضباب ..
ونميت هناك نوع من هواك ..
في عالم النور المذاب ..
سدرة عشق