عذب الكلام

السبت 05 ديسمبر 2009, 11:23 pm

عذب الكلام والالهام وعزف الاوتار وسمر الليل وتأمل النهار

والفرح واثواب الحداد والاولاد الشداد والذكاءء الوقاد

عروس فراعنة

ووسائل الري القادوس والشادوف

الطمأنينة وانعدام الخوف

الخريف والقيف وطين البحر ثالث ثلاثة

كية من نار وجرعة من عسل والطين والخلاوي والدين

قصة السعف الجبيرة العلاج

المراكب والبنطونات واللقياء والترحاب والابتسام في السفر يصحبه الدعاء

الجزر استراحة التماسيح وصراع الفرسان ودعوات حاج الماحي

احمد واحمد شيلو ود عدنان فوق راسو اديلو

ناسج البردة ومخضوضر الارض

وصابغها

ويمر عليه الزمان وحياضه الشرق الشهية دفق

والماء مصدر الحياه يسكبه فيسكب عسجدا

والارض يغرقها فيحيا المغرق

ومناداة التجاني يوسف بشسر الاشراق

انت يانيل يا سليل الفراديس

والرحمة له ولمن تغني بها ورحل

انه النيل الالهام

شجاعة الشجعان

واقدام الفرسان

وعلي الضفتين نشأة اقدم الحضارت

والمسرات اوعية افريقية دفق فيها العرب اسرار العربية

فاندفقت علي الضفتين معيشة وعقيدة

والاية النيل يشق العتمور

واستقطاب البشر والطيور

زغزغة فوق النخيل والطنابير

ترن في الليل الطويل

تصاحب حنين الشوايقة

تسافر بيهم من ضفة لضفة

يا سكان هذه الواحة لكم مني هذه المقدمة

المقدمة التعارف

والنادوس الحروف عكس التيار

النيل اية الاشهاد

في ارض الله

الهبة لعبيد الله

راضعين الهيجة من صدرو

وماشايفين في الدنيا مصدر للحياة قدرو

اخوكم

وعمكم وابوكم

المولود سنة البحر غطى الجروف

والعمدة كان ضابح خروف

بالله في عيد ميلاد وتعريف

أحسن من كده

!؟

الأحد 06 ديسمبر 2009, 5:41 am

تعريف وعيد ميلاد
وجرتق
اصلا افضل من كده مافى
والنيل
حباب النيل
حباب ريحة الجروف
واخوك او ولدك
تربال
بطاقة ومهنة وواسوق
حباب السودان
قيمة ومعنى وحياة
حبابك
ومع التيار او ضده كيفما اتفق
هندسة المواقف
ان تنحنى للريح
ان تساير التيار
حتى حين
هندسة
ترياقا ضد الانكسار
وصفة معروفة ومحفوظة
وعبقرية المربعات
حبابك شرفت الدار
موية ..محاية...وكسرة
اتفضل
حاجة سودانية خاصة
عشان الفكر الاسودانى الاصيل
عشان التاريخ
والحضارة
وشبيكة
و
عييييييييييييييييييييييك
صف طويل
عبدالله
وعبدالله
والمجزوب
و
عييييييييييييييييييييييييييك
ناس دقنه
ودينار
وملوال
وحاج الماحى
والتجانى
حبابك
فى بوتقة
تشبه
ولا تخلق صراع طواحين الهواء
بل
تاسيس
للفكر
على ارضية ثابتة
الاحترام
ومودة
وكان اختلفنا
كان
اختلفنا
كلو
عشانك ياوطنى
بدون اشياء اخرى
نفقعد فى واطة الله
ونحسب
وراكوبة جودية
ونتفاهم
ليه
لانها
ليست شخصية
بل
اضافة
للمحاورة والمثاقفة
وجيدا جيت
وجد جد
عيد ميلاد سعيد
واصلو زيو مافى
حبابك

عذب الكلام

عذب الكلام

رد: عذب الكلام