ليـــــــــلة الميـــــــــــــــــلا د

الإثنين 14 سبتمبر 2009, 4:11 pm

يا مشتل فرحنا الشّال..

ويا مرسى الشراع الضّال

ويا واحة قليباً كان زمن رحال

يفتش عن عيون إنسانه..

ينسى لديها حزناً طال

ولما لقاكِ فرّهد ياما

بالفرح اللى عندو محال

ولّما لقاكِ رسّلو القمر منديل

وركّت نجمه..

ضوّت فى الدرب قنديل

وهشّت زهره..

كانت تبكى طول الليل

وجات من بعد طول الهجره..

غنوات الحروف

وكانت ليلة الميلاد

*

أقدّم نفسك ليك:

إنسان..

عزاى الشعرِ والآمال

وطيبه القلب

وحسن الفال

واحب كلّ العيون لمن تحب عينيك

واحب كل القلوب

لمن تعاين ليك

من حبى ليكى عليك