- خلاسيةطاقم الادارة
- عدد المساهمات : 419
الجنس :
نقاط : 629
السٌّمعَة : 6
تاريخ التسجيل : 09/09/2009
العمر : 50
الموقع : كل بيوت الفقراء بيوتي
رباطاب
الخميس 10 سبتمبر 2009, 6:39 pm
رباطابي راكب حمار و بيبيع في حرجل و نبق، جاتو واحدة حنكوشة عايزة تشتري بنبق، عاينت للحمار كدة، و سألت الرباطابي: يا عمو حمارك دة بيضرب؟؟ قال ليها: لأ بيعمل ميس كول بس...
ولد رباطابي قرصتو نمله في بطنو شغال يكرش كرش شديد قامت امو سألتو قالتلو ياود قرصتك نمله قاليها نان بحك لي في اسكراتش..
رباطابي مسافر للسعودية مشي يقطع تذكرة السفر من الوكالة وكانت الموظفة حنكوشة اخرت عمك اكثر من ساعتين بعد داك قالت ليهو ياعمو تذكرتك عايزة ذهاب واياب قال ليها لأ خليها بخروج المهزوم يابنيتي..
رباطابى ببيع نبق جاءه ولد راسو كبيرة و قاليهو يا عمو ادينا نبق بجنيه .. فعمك الرباطابي لف ليهو شوية نبق في قرطاس واداهو للولد وهو يعاين في راسو .. فالولد لقى النبق شوية و داير يتصعلق على الرباطاب ى قاليهو هوووووي ياعمو الله واحد ولا اتنين ..فالرباطابي عاين ليهو شديد و قاليهو الله ان بقو اتنين دحين ماكان اتشاورو في راسك ده؟
رباطابى صلى الجمعة فى مسجد أنصار السنة الإمام قال السلام عليكم مد يدو للزول الفى يمينو قال ليهو تقبل الله أنصار السنة رفض يمد يدو قال ليهو دى ماورد فيها نص الرباطابى قال ليهو نان الإحراج ورد فيهو نص؟؟
ود الزومة معاهو ولدو ماشين فى بحرى شاف واحدة شايلا طفلها فى ضهرا والطفل مادى راسو بالجنبة بتاوق قال لى ولدو رايك شنو فى دى ولدو قال ليهو تكسى مخرم من مجروس .
الرباطابى والجعلى مسافرين سوا الموية العندهم كملت قوم يالجعلى انزل فى الواطة حفر الرباطابى مشى جاب ليهو سعف وقعد يضفر فيهو اها الجعلى كمل الحفر والموية مرقت صاحبنا الرباطبى نزل دلوه فى البير الجعلى طب مسك ايدو الرباطابى قال ليهو هسى ايدى مسكتها ودلوى حميتنى انزلو ، دحين بيرك دى الا كان تتكيها !!!
رباطابية سافرت بالقطر مع ولدها ....و القطر اتعطل فى السكه... المهم لمن قرب يصل للمحطه جاها الكمسارى ودار بينهما الحوار التالى : تذاكر يا حاجه ادتوا تذكره واحده... سالها وين تذكرة ولدك ...ده
ردت: الوليد ده صغيــــر ما بقطع ليهو تذكرة..
الكمسارى: ده ولد صغير ??? ده شنـــبو قايـــم !!!!!!
الرباطابية: والله...والله شنبــــــو ...قام فى قطــــركـــم ده !!!!!!!!!!
رباطابي في الحرم وبيصلي جنبو واحد بعد ماانتهت الصلاة قال ليهو حرما ياحاج الرباطابي قالو نان قالولك نحن في استاد المريخ؟؟؟
رباطابي وصاحبه مشو زيارة لواحد رباطابي كريم وسخي واي زول بجيهو بديهو شوال قمح ولا عيش المهم الدنيا مغرب مشي يجيب شاي المغرب وخلاهم في الحوش قدام ديوانو وقدام ديوانو فى مخزن قمح وا حد منهم شال المصلاية وداير يصلي المغرب قال لرفيقو القبله لا وين قالو قبلة شنوالبتفتش فيها هنى قبل على المخزن المليان عيش ده وصلي..
واحد رباطابى معزوم عشاء مع واحد صاحبو مشى لقى الكهرباء قاطعة قعدو يتونسو مسافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء دا صاحبو قال لية ياخى العشاء ما بطلع الا الكهرباء تجى... الرباطابى قال لى اصلو دا عشاء ولا شريط فيديو!!
شافعة رباطابية قاعدة تاكل مع أبوها في الصينية ، قالت ليهو: يابا أدني عيشة، الأب حب يشاغلها، قال ليها بتدوري بيها شنو؟؟ قالت ليهو بدور أرضعها!!!
في الرباطاب جابو ليهم استاذ دنقلاوي وفي اول يوم عايز يستفز الطلبة فكتب في السبورة جاءت محمد و قال للطلبه اعربوها فرد ليهو واحد شافع: جاء فعل ماضي ناقص، التاء تاء الدناقله، محمد فاعل..
رباطابي مركبوغرقت مشى يعمل بلاغ العسكري قال ليهو غرقت وين قال ليو في شارع الظلط..
رباطاب عندهم بنطون عطلان وقاعدين طول النهار بيعافروا عشان يطلعو البنطون من البحر عشان يصلحو..
جا واحد جعلي قال ليهم: انتو البنطون دا مطلعنوا من البحر ليه؟
رد عليهم واحد زهجان: والله البحر ما نفع معاهو قلنا نجرب الظلط..
قالوا واحدة من حريم الرباطاب كانت بتبيع زلابية وطعمية للركاب في محطة ابوحمد الايام ديك شغلوا القطر الاكسبرس وكان ما بيقيف في اي محطة، المهم القطر جا ماشي فيها بووووو ، وماباعت اي حاجة قامت رجعت البيت، قام الراجل قال ليهاانشاء الله بعتي كويس الليلة ،قامت ردت قالت ليهو:بعت شنو الشئ جا ماشي فيني زي ترجمة الفلم الاجنبي..
رباطبي عسكري مرور .. بلغوه أنو في باص إنقلب .. مشه مكان الحادث لقى الناس كلها ميتين ماعدا واحد ..
قال ليهو : أه يالصـــــندوق الأســـــود .. الحادث حصل كيف ..
رُباطابي فتح دُكان جاب واحد فلاتي قرا فيهو يس
أول شهر الدكان رِبح 4 مليون ..الفلاتي سمع جا للرباطابي
قال الا يشيل 2 مليون .. الرباطابي قال ليهو لي إنتَ يس دي من تأليفك!!
رباطابي بتاع فرن جاءهو واحد قال ليهو العيش في النار رد ليهو لا يااخوي في الجنة..
رباطابي مسافر في القطر بي الليل وكانت عربات القطر مظلمة وكان هناك واحد إسمو روب راقد في الممر الرباطابي داس كراع روب فاحتج روب فسأله الرباطابي : إنت منو؟ رد روب قال ليهو: انا روب، مرة أخري داس الرباطابي روب في بطنه فاحتج روب فسأله الرباطابي : إنت منو يا أخينا؟ روب رد ليهو: أنا روب. مرة ثالثة داس الرباطابي راس روب، فاحتج روب فسأله الرباطابي: إنتو منو كمان؟ رد روب : انا روب برضو، فقال ليهو الرباطابي: ياروب إنت إتدفقت ولا شنو؟؟
- احمدالصديقعضو برونزى
- عدد المساهمات : 285
الجنس :
نقاط : 577
السٌّمعَة : 5
تاريخ التسجيل : 10/08/2009
العمر : 45
الموقع : .......
المزاج : .......
رد: رباطاب
الجمعة 11 سبتمبر 2009, 3:01 am
خلاسية
الله يجازي محنك
قتلتيني من الضحك
قويات والله كلهن عسل
بس بتاعت الصندوق الاسود دي وللا احلا
تسلمي يارائعه
الله يجازي محنك
قتلتيني من الضحك
قويات والله كلهن عسل
بس بتاعت الصندوق الاسود دي وللا احلا
تسلمي يارائعه
- طائر الكنارعضو نشيط
- عدد المساهمات : 92
الجنس :
نقاط : 163
السٌّمعَة : 3
تاريخ التسجيل : 11/09/2009
العمر : 41
الموقع : السودان
المزاج : رايق لو ختونا العوارض
رد: رباطاب
السبت 12 سبتمبر 2009, 3:41 am
الله يجازي محنك يا خلاسية دا شنو دا
لكن ود الزومة وولدو ضيعو الشافع
يكون اسع في مقابر الزومة
لكن ود الزومة وولدو ضيعو الشافع
يكون اسع في مقابر الزومة
- خلاسيةطاقم الادارة
- عدد المساهمات : 419
الجنس :
نقاط : 629
السٌّمعَة : 6
تاريخ التسجيل : 09/09/2009
العمر : 50
الموقع : كل بيوت الفقراء بيوتي
رد: رباطاب
السبت 12 سبتمبر 2009, 4:07 am
احمدالصديق كتب:خلاسية
الله يجازي محنك
قتلتيني من الضحك
قويات والله كلهن عسل
بس بتاعت الصندوق الاسود دي وللا احلا
تسلمي يارائعه
احمد الصديق سلامات وصح النوم متين صحيت ؟
اها الصندوق الاسود دا والله يخلاني اعيد الصلاة
وانا بصلي ابوي فاتح الراديو قالو في طيارة وقعت
وعينك ما تشوف الا النور وقعت الطيارة وانا وراها وقعت بالضحك
بفتش في الصندوق الاسود حيلقوه زول ولا صندوق
وخليك بسعادة
- مانديلاعضو برونزى
- عدد المساهمات : 250
الجنس :
نقاط : 531
السٌّمعَة : 2
تاريخ التسجيل : 10/09/2009
العمر : 36
الموقع : دولة ال53 الشقيقة
المزاج : عالي
رد: رباطاب
السبت 12 سبتمبر 2009, 5:03 am
خلاسية والله أمس تضحكت
لحدي ما عطشت وقربت أفطر
وأتكى البير
بس الحمد لله ما عملتها
أها هاك دي من ود الزومة
ود الزومة ولدو راكبين في البنطون
وفي جمل قاعد ورا شولات دقيق
ومارق رقبتو قال يا محمد أنته وصف
الجمل وانا بوصف البنطون...
أها ود الزومة قال البنطون شاقي
الموية زي المقص في القماش
محمد قال ليه الجمل زي الزول
الجاي شايل هدومو من الغسال...
برضو واحده تاني
ود الزومة شاف
جداده حافره لي سواسيوا
تحت الزير وأتملت الحفره موية
والسواسيو بقت مطفحه
قام قال زي الزلابيه في الصاج...
وخليكم دائماً ضاحكين...
لحدي ما عطشت وقربت أفطر
وأتكى البير
بس الحمد لله ما عملتها
أها هاك دي من ود الزومة
ود الزومة ولدو راكبين في البنطون
وفي جمل قاعد ورا شولات دقيق
ومارق رقبتو قال يا محمد أنته وصف
الجمل وانا بوصف البنطون...
أها ود الزومة قال البنطون شاقي
الموية زي المقص في القماش
محمد قال ليه الجمل زي الزول
الجاي شايل هدومو من الغسال...
برضو واحده تاني
ود الزومة شاف
جداده حافره لي سواسيوا
تحت الزير وأتملت الحفره موية
والسواسيو بقت مطفحه
قام قال زي الزلابيه في الصاج...
وخليكم دائماً ضاحكين...
- ندى الأيـامعضو فعال
- عدد المساهمات : 102
الجنس :
نقاط : 115
السٌّمعَة : 1
تاريخ التسجيل : 15/09/2009
المزاج : هادئـة
رد: رباطاب
الخميس 17 سبتمبر 2009, 8:41 pm
الله يجازي محنك يا خلاسية مصاريني اتقطعت من الضحك والله لما دمعت في بعضها من الضحك ... تسلمى الله يخليكِ عليها جميعا .... والله يجعل ايامك كلها فرحة وسعادة
- رغد العمرعضو مشارك
- عدد المساهمات : 49
الجنس :
نقاط : 84
السٌّمعَة : 2
تاريخ التسجيل : 11/09/2009
العمر : 32
الموقع : السودان
المزاج : معتدل
رد: رباطاب
الجمعة 18 سبتمبر 2009, 12:47 am
ههههههههههههههههههههههه
اختنا خلاسيه انتى الرباطاب ديل حيمتحنوكى فيهم ولاشنو ... بالغتى عديل كده
اها ايه رأيك فى الرباطابيه دى
- لحظة اللأصيلعضو مشارك
- عدد المساهمات : 47
الجنس :
نقاط : 73
السٌّمعَة : 6
تاريخ التسجيل : 12/09/2009
العمر : 41
الموقع : CANADA
المزاج : متقلب زي الطقس
رد: رباطاب
الجمعة 18 سبتمبر 2009, 1:28 am
في
الرباطاب جابو ليهم استاذ دنقلاوي وفي اول يوم عايز يستفز الطلبة فكتب في
السبورة جاءت محمد و قال للطلبه اعربوها فرد ليهو واحد شافع: جاء فعل ماضي
ناقص، التاء تاء الدناقله، محمد فاعل
والله دي أبدعتي فيها موتيني بالضحك والله وكمان بتاعت الصندوق الأسود
تسلمي كتيير كل ما أكون دايرة أضحك حجي أخش البوست دا
تقبلي مروري
تسلمي كتيير كل ما أكون دايرة أضحك حجي أخش البوست دا
تقبلي مروري
- خلاسيةطاقم الادارة
- عدد المساهمات : 419
الجنس :
نقاط : 629
السٌّمعَة : 6
تاريخ التسجيل : 09/09/2009
العمر : 50
الموقع : كل بيوت الفقراء بيوتي
رد: رباطاب
السبت 19 سبتمبر 2009, 4:51 pm
طائر الكنار كتب:الله يجازي محنك يا خلاسية دا شنو دا
لكن ود الزومة وولدو ضيعو الشافع
يكون اسع في مقابر الزومة
طائر الكنار الشافع براهو
شكلها المقابر اتستفت بسببهم
خليك بضحكة
شكلها المقابر اتستفت بسببهم
خليك بضحكة
صلاحيات هذا المنتدى:
لاتستطيع الرد على المواضيع في هذا المنتدى