- خلاسيةطاقم الادارة
- عدد المساهمات : 419
الجنس :
نقاط : 629
السٌّمعَة : 6
تاريخ التسجيل : 09/09/2009
العمر : 50
الموقع : كل بيوت الفقراء بيوتي
تبتبا تبتبا
الأربعاء 23 سبتمبر 2009, 3:55 am
تبتبا تبتبا تبتبا تبتب
باكر تعرف تقرأ وتكتب
وياما ترتب
نحن بنحلم وكم نتمني
هي تحقق كل ما تحب
تبني حياتا الند بالند
اي مكانة وخانة تسد
هدهدا هدهد كل الورد ينوم ويفرهد
زي عصفورة تطير وترك
تحبا وتمسك وتاني تفك
سيبا تفكفك سيبا تلكلك عايزة تنطط
بكرة حترسم وياما تخطط
بكرة حا يبنو مدائن ضوء
ما بيعكر صفو الجو صفارة حرب
تشطب من قاموس الدنيا
الضرب الشك الخوف
ينعمو كم بالشم والشوف وأغاني الحب
أفتح بابك آمن تب
زي ما النهر بيلقى مصب
أي حمامة بتلقى الحب
تلقى الوردة الندى في الكم
تلقى حداها جناها الأم
يرضع صافي حليب الحب
نقدل نحن الجد والعم
تملا عيونا كهارب سد
بابا جاب الهم والزم والصد ينسد
نفرح لما ندمع جد
مد البصر الأمل يمتد
العمل يشتد البنا ينتم الغنا يمتد
هدهدا هدهد
أكتبي أكتبي ألف المد
حمام وسلام وسعادة بجد
أكتبي أكتبي ياء المد
حقول وعقول تقراء المجهول وكتاب الغد
أكتبي علم وسلم
لا حد يئن لا تسمع بم
لا ينزف دم
لا يعجز رد
لا يعجز طب
لا دمعة في خد
تبتبا تبتبا تبتبا تبتب
صلاحيات هذا المنتدى:
لاتستطيع الرد على المواضيع في هذا المنتدى